وَلَمَّا رَءَا ٱلْمُؤْمِنُونَ ٱلْأَحْزَابَ قَالُوا۟ هَـٰذَا مَا وَعَدَنَا ٱللَّهُ وَرَسُولُهُۥ وَصَدَقَ ٱللَّهُ وَرَسُولُهُۥ ۚ وَمَا زَادَهُمْ إِلَّآ إِيمَـٰنًۭا وَتَسْلِيمًۭا﴿٢٢﴾
33:22സത്യവിശ്വാസികള് (സഖ്യ) കക്ഷികളെ കണ്ടപ്പോള് അവര് പറഞ്ഞു: "അല്ലാഹുവും, അവന്റെ റസൂലും നമ്മോടു വാഗ്ദാനം ചെയ്തിട്ടുള്ളതാണ് ഇത്. അല്ലാഹുവും അവന്റെ റസൂലും സത്യമത്രെ പറഞ്ഞത്." അവര്ക്കു സത്യവിശ്വാസത്തെയും, അനുസരണത്തെയുമല്ലാതെ അതു വര്ദ്ധിപ്പിച്ചതുമില്ല.
തഫ്സീർ : 22-22
സത്യവിശ്വാസികള് പല പരീക്ഷണങ്ങള്ക്കും വിധേയരായേക്കും; ഒടുവില് വിജയം അവര്ക്കുതന്നെയായിരിക്കും എന്നിങ്ങിനെ അല്ലാഹുവും, അവന്റെ റസൂലും ചെയ്തിട്ടുള്ള വാഗ്ദാനങ്ങളാണ് ഇവിടെ ഉദ്ദേശ്യം. (*). ശത്രുക്കള് അതിശക്തിയോടെ വന്നു വലയം ചെയ്യുന്നതു കണ്ടപ്പോള് സത്യവിശ്വാസികള്ക്കു പ്രസ്തുത വാഗ്ദാനങ്ങള് ഓര്മ്മവരുകയും, അതവരുടെ വിശ്വാസവും അനുസരണസന്നദ്ധതയും വര്ദ്ധിപ്പിക്കുകയും ചെയ്തു. പൂര്വ്വാധികം ധീരതയും ആവേശവും ഉളവാക്കി.